الرئيسية
  |
ونترك كل اصالتنه التراثيه
ونذب الكهاوي ونحرك الدلات
ونحط بيبسي كولا وسفن ابو الميه
ونترك كل سلام المسلمين اهناك
نكضيهه بــ helo و good by بالنيه
مانكصد مضايف لانوج النار
نكضيهه بمطاعم استراليه
ونذب العكل ماتنلبس للموت
نلبس شفقه بيضه كلا سيكيه
منسمي بعد عبدالله لا محمود
لاكرار اسمي لاعمر بيه
اعتنو كلهم اليم بيتي وجوني
وعليه بنار غيرتهم وجوني
شسمي اطفالي جاك اني وجوني
وعلمهم على اخلاق الابيه....
اسميهم جهالي جون وترافيلت
وسمي ابنيتي روز اعلى الفرنسيه
freedomوالغي الغيره مني وامشي بــ
حتى ارضي جنابج ياليهوديه
وين ارجال وين الماتكوم اليوم
وتشوف الذبح باطفالي يوميه
حجبو نور شمس الدنيا عن بغداد
وحرموهه الضوه من الكمر ليليه
ما اسكت بعد خلي اليصير يصير
موشفته انهتك عرض العراقيه
الشاعر
~*~ طــــه العــراقـي ~*~
