الرئيسية
عفية يا ناس اسمعوني عندي قصة صغيرة هية
اسمعوها للنهاية و تعرفون شصار بية
انة قصتي ويا الحبيبة ويا الصديق الخان بية
چنت احب وحدة و تحبني و للصبح نگعد سوية
اني اضحك هية تبجي و امسح الدمعة بدية
شبيچ اگلها تگلي احبك عفية لا تبعد علية
و يناستغفر اللهر گلبي الغبي گلبي الغشيم العلى النية
الي وگعني بمصايب وبمشاكل وحشة هية
و بمفارز حب دفعني واني مو شايل هوية
ويگلي لا تتركها تبجي ويگلي حب اكثر خطية
سبوع غبت اني عليهة ردت تاخذني المنية
اتخرت فترة گصيرة شفكرت هذي الغبية
تخابر لهاتف صديقي تخابرة و تسئل علية
يكلها عوفي ما يحبچ هذا عندة غير نية
و هوة اعز الاصدقاء و اغلى من روحي علية
و اذكر بيوم النزف دم انطيتة من دم الي بية
تالي ما تالي صديقي ويا الحبيبة يخون بية
ترافگت ويا صديقي الجنت احبها حيل بية
للحبية الخاينة الباعت هوانة المو وفية
و للصديق المو وفي الخان الوصية
من گلب مظلوم يدعي ارد اقدملهم تحية
و هوة موجودو سمعني و هية تسمع ذيچ هية
ما بقت عندي حبيبة و لا صديق بقت بس علة خفية
و ما بقت بس دمعة تجري و ادعي كل صبح و مسية
وين الله ريت الله بلچي الله الينتقم من اعز اثنين الية
انة الجرالي و صار ما اگدر احچي
والله من اريد احجي خنزير ابچي
الشاعر ... عبد الرحمن الجبوري 