الرئيسية
( لـحـظـات الــوداع )
كيف اتخيل لحظـات الـوداع كيف اتخيـل عيونـه حزينـه |
يا شقـى روحـي بهالضيـاع ويا شقى عمري مـع سنينـه |
أرسمه قلب ٍ بيـن الاضـلاع ويخطني ظل باطراف المدينـه |
وأعشقه طفلٍ سمـح الطبـاع ويحبني لعبه تضمهـا ايدينـه |
ياخذني للدوحه ولاطراف البقاع ويضمني بلهفه لا فارقت عينه |
يسولف معي واصغي باستمـاع ويضحك ويبكي بنفـس حينـه |
ابكي معه وتبكينـي الاوجـاع ويضحك معي وابكي مدينـه * |
يضحكني ويبكيني كـل سـاع ويتعبني ويشقينـي بكلمتينـه |
لا قالي فارق وارحـل السـاع اشقى وتهل دمعاتـه شجينـه |
واحـس قلبـي لا بكـى مـاع وروحي تنتفـض مـن آنينـه |
وش اقول اكثر وانـا الملتـاع يكفي يـا دمعتـي لا تذبحينـه |
كنت احسب بنفسـي شجـاع يكفي يا جروحـي لا تذكرينـه |
احس كل شي بحياتـه ضـاع من يوم قلت له بسافر الحينـه |
ليته ما يفكـر بلحظـة خـداع ليته يحس باحساس الرهينـه |
هذا انا لحزن الرحيل منصـاع ابكي رحيلي وذكـرى حزينـه |
ودي اضمه ضمه قبل الـوداع ولا بكى امسح دمعـات عينـه |